بعدما قررت نقابة الموسيقيين المصريين إيقاف الفنانة المصرية شيرين عبد الوهاب، الخميس الماضي، عن الغناء نهائيا بمصر وإحالتها للتحقيق، خرجت الفنانة المصرية عن صمتها ونشرت مجموعة من التدوينات على صفحتها الرسمية بالإنستغرام.

هذا ووضحت شيرين مجموعة من الحقائق من خلال هذه التدوينات قائلة “عاوزة أتكلم من قلبي مع كل واحد من أهل بلدي الحبيبة ومن أهلي وأصدقائي وزملائي اللي قدروا يفهموا ويصدقوا إني لا يمكن أسيء لبلادي اللي أنا كلي من خيرها ولايمكن أنكر فضلها عليا بجد باشكركم وباحبكم وبعتذر للي أساء فهم كلامي من كل قلبي، بالنسبة للقنوات المأجورة من خارج مصر اللي خذت كلامي وخرجته عن سياقه تماما وحاولت تستغله ضد بلدي بقولهم إن بلدي خط أحمر وعمركم ما هاتفرقوا بيني وبينها”.

وأضافت شيرين “أحب أوضح لكل الناس اللي حقهم يعرفوا إن ما كتب عني في الصحافة ونسب لي غير صحيح بالمرة وتقدروا تتحقوا من صحة كلامي من الفيديو الموجود مع إنه ممنتج عن قصد علشان يطلعني غلطانة”، وأضافت “ماقيل على لسان النقابة والصحافة إني قلت أنا هنا أتكلم براحتي عشان اللي بيتكلم في مصر بيتحبس، وطبعا ده مش حقيقي وماقلتوش لأن الكلمة بتفرق، اللي قلته نصا وهو موجود بالفيديو أنا هنا أتكلم براحتي عشان في مصر ممكن يسجنوني، فيه فرق كبير بين الجملتين”.

وذكرت شيرين “أنا كنت بتكلم عن موقف شخصي لما هزرت على المسرح من قبل ورفعت عليا دعاوى وصدر حكم بسجني سنة وسددت كفالة واستأنفت واتلغى الحكم في الاستئناف وبعدين اترفع عليا جنحة مباشرة عن نفس الواقعة واتحكم فيها بعدم اختصاص القضاء المصري بما وقع في الشارقة هذا ما كنت أقصده والله أعلم بالنوايا”.

واختتمت شيرين تدويناتها بالقول “بحبك يابلدي مهما حصل ودايما تحيا مصر”.

المصدر: شوف تي في